“Nyukasl” onun üçün 70 milyon ödyəcək

Jurnalist Fabrisio Romanonun iddiasına görə, İngiltərənin "Nyukasl" klubu "Milan"dan italiyalı yarımmüdafiəçi Sandro Tonalinin transferi üçün rekord məbləğ ödəyəcək.

Lent.az xarici mediaya istinadla bildirir ki, mənbənin sözlərinə görə, müqavilə 70 milyon avro və bonuslar olacaq. Futbolçu artıq tibbi müayinədən keçib və müqavilənin özü imzalanmağa hazırdır.

Müqavilə 2029-cu ilə qədər qüvvədə olacaq, Tonali ildə 7 milyon avro üstəgəl bonus olaraq 2 milyon avro alacaq.

23 yaşlı italiyalı 2020-ci ilin sentyabrından "Milan"da çıxış edir, onun "rossoneri" ilə müqaviləsi 2027-ci ilin yayına kimi hesablanıb. O, ötən mövsüm bütün turnirlərdə 48 oyuna çıxıb, 2 qol vurub, 10 məhsuldar ötürmə edib.