Liberiya prezidentinin oğlu "Yuventus"da oynayacaq

23 yaşlı yarımmüdafiəçi Timoti Vea “Lill”dən “Yuventus”a keçib.

Lent.az xarici mediaya istinadla bildirir ki, Fransa klubu hücumçuya görə 10,3 milyon avro təzminat alıb. Veanın “Yuventus”la müqaviləsi 30 iyun 2028-ci ilə qədərdir.

Fransa çempionatının son mövsümündə Vea 29 matçda iştirak edib və 2 məhsuldar ötürmə edib. Transfermarkt oyunçunu 14 milyon avro qiymətləndirir.

Timoti Vea əvvəllər “Milan”da oynamış hazırda Liberiya prezidenti olan Corc Veanın oğludur. Timoti Vea əvvəllər “Seltik” və “Paris Sen-Jermen”də çıxış edib. Qətərdə keçirilən dünya çempionatında Vea ABŞ milli komandasının heyətində oynadığı dörd oyunda bir qol vurub.