“Ferrari” Həmiltona 40 milyonluq müqavilə təklif edəcək

“Ferrari” yeddiqat dünya çempionu Lyuis Həmiltonu komandasına cəlb etmək cəhdlərindən vaz keçmir.

Lent.az bildirir ki, “Daily Mail”in məlumatına görə, “skuderiya” “Mercedes” pilotuna 40 milyon funt-sterlinq dəyərində böyük müqavilə təklif etməyə hazırlaşır.

Xatırladaq ki, Həmiltonun Almaniya yarış komandası ilə müqaviləsi 2023-cü ilin sonunda başa çatır. Əgər Lyuis “Ferrari” ilə müqavilə bağlaya bilsə, o zaman komanda Şarlya Lekleranı komandada saxlamağa çalışacaq.