"Bayer"də Alonsonu kimin əvəz edə biləcəyi məlum oldu

"Real"ın keçmiş hücumçusu Raul "Bayer"in baş məşqçisi postunda Xabi Alonsonu əvəz edə bilər.

Lent.az bildirir ki, bu barədə Bild xəbər verir.

Mənbənin məlumatına görə, alman klubunun rəhbərliyi "Bavariya" və "Liverpul"un ciddi maraq göstərdiyi Alonsonun mümkün davamçısı axtarışındadır.

Leverkuzen klubunun qısa siyahısına Raul və “Ştutqart”ın baş məşqçisi Sebastyan Henesin rəhbərlik etdiyi 20-dən çox potensial namizəd daxildir.

Raul 2019-cu ildən "Real"ın ikinci komandası olan "Kastilya"ya rəhbərlik edir. İlk mövsümdə futbolçuları ilə Gənclər arasında Çempionlar Liqasının qalibi olub, keçən il isə komandanı Sequnda Divizionuna aparmağa bir addım qalmışdı. Bu mövsümdə Raulun “Vilyarreal” və “Union Berlin” ilə danışıqlar apardığı bildirilirdi.

Heness 2023-cü ilin aprelindən "Ştutqart"a rəhbərlik edib. Ötən mövsüm 41 yaşlı mütəxəssis komandanı İkinci Bundesliqaya düşməkdən xilas edib, bu mövsüm isə onları Çempionlar Liqasına çıxara bilər. Hazırda komanda Bundesliqada üçüncü pillədə qərarlaşıb.

Eyni zamanda, “Bayer” hələ də Xabi Alonso ilə əməkdaşlığı davam etdirmək istəyir və onun daha bir mövsüm klubda qalacağına ümid edir. İspaniyalı gələn yayda klubu tərk etmək qərarına gəlsə, yeni mütəxəssis axtarışı aparılır.

Xabi Alonso 2022-ci ilin oktyabrından “Bayer”i çalışdırır. Leverkuzen təmsilçisi bu mövsüm heç bir oyunda məğlub olmayıb və tarixində ilk dəfə Almaniya çempionu ola bilər. Çempionatın bitməsinə 10 tur qalmış "Bayer" "Bavariya"nı on xal qabaqlayır.