"Bavariya"nın "kəllə atan" futbolçusu belə cəzalanacaq

“Bavariya” rəhbərliyi hücumçu Sadio Mane ilə bağlı insidentə cavab vermək üçün bir neçə variantı nəzərdən keçirir.

Lent.az xarici mediaya istinadla xəbər verir ki, “Bavariya” üç əsas variantı nəzərdən keçirir: cərimə, müvəqqəti diskvalifikasiya və futbolçu ilə ayrılma. Mane özü bu gün, aprelin 13-də artıq Münhen təlim mərkəzinə gəlib. Futbolçunun yaxşı əhval-ruhiyyədə olduğu və gülümsədiyi qeyd edilir. “Bayern” Manenin bu gün komandadan üzr istəməsini gözləyir.

Xatırladaq ki, Mane Çempionlar Liqasının 1/4 final mərhələsinin “Mançester Siti” ilə oyunundan (0:3) sonra komanda yoldaşı Leroy Zanenin üzünə zərbə endirmişdi. Nəticədə alman futbolçunun dodağı partlayıb.