Tanışını bıçaqlayan şəxsə 8 il həbs cəzası verildi

Bu gün Bakı Ağır Cinayətlər Məhkəməsində tanışını bıçaqlamaqda təqsirləndirilən 1992-ci il təvəllüdlü Maarif Dəmirovun cinayət işi üzrə məhkəmə başa qatıb.

Lent.az-ın məlumatına görə, hakim Rasim Sadıqovun sədrliyi ilə keçirilən prosesdə hökm oxunub. M.Dəmirov 8 il müddətinə azadlıqdan məhrum edilib.

Qeyd edək ki, hadisə 2015-ci ilin sentyabr ayında Nəsimi rayonunda baş verib. M.Dəmirov münaqişə zəminində tanışı 1992-ci il təvəlüdlü Etibar Mehdiyevi bıçaqlayıb. Yaralı xəstəxanaya çatdırılıb. Onun həyatını xilas etmək mümkün olub. M.Dəmirov Nəsimi Rayon Polis İdarəsinin 22-ci Polis Bölməsinin əməkdaşları tərəfindən saxlanılıb. O, Cinayət Məcəlləsinin 126.2.4-cü (qəsdən sağlamlığa ağır zərər vurma, ümumi təhlükəli üsulla, xuliqanlıq niyyətilə) maddəsi ilə ittiham olunub.