Emin Millinin qaynı heç vaxt narkotikdən istifadə etmədiyini deyib

Bu gün Bakı Ağır Cinayətlər Məhkəməsində narkotik maddələrin qanunsuz dövriyyəsində təqsirləndirilən Nazim Ağabəyovun cinayət işi üzrə məhkəmə davam edib.

"Lent.az-ın məlumatına görə, hakim Əfqan Hacıyevin sədrliyi ilə keçirilən prosesdə polis əməkdaşı Naib Məmmədov ifadə verib.

Nazim Ağabəyov da ifadəsində özünü təqsirli bilməyib, heç vaxt narkotik maddə qəbul etmədiyini bildirib.

Məhkəmənin növbəti iclası yanvarın 29-na təyin edilib

Qeyd edək ki, narkotik maddələrin satışında ittiham edilən N.Ağabəyov rəssam Mais Ağabəyovun oğlu, "Meydan" TV-nin direktoru Emin Millinin qaynıdır. O, Bakı Şəhər Baş Polis İdarəsinin əməkdaşları tərəfindən saxlanılıb. Rəsmi məlumata görə, onun üzərindən 6 qram heroin aşkarlanıb.