İki şəhərdə iki qadına qarşı soyğunçuluq

Bakıda qadına qarşı soyğunçuluq edilib.

Lent.az DİN mətbuat xidmətinə istinadən bildirir ki, noyabrın 28-də saat 22 radələrində rayon ərazisində bir nəfər X.Həsənovanın içərisində 150 manatı olan pulqabısını açıq talama yolu ilə alıb.

Binəqədi rayon Polis İdarəsinin 5-ci Polis Bölməsinə bu barədə müraciət daxil olub.

Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Bakı şəhər sakini T.Alıyarov müəyyən edilərək saxlanılıb.

Mingəçevirdə isə qadına məxsus pulqabı oğurlanıb.

Şəhər Polis Şöbəsi əməkdaşlarının keçirdikləri əməliyyat-axtarış tədbiri nəticəsində şəhər sakini Z.Əmirovanın içərisində 305 manatı olan pulqabısını oğurlamaqda şübhəli bilinən Mingəçevir sakini R.Hacıyev saxlanılıb.

Hər iki faktla bağlı araşdırma aparılır.