Qırğızıstanda ölənlərin sayı 191 nəfərə çatdı

1971 nəfər yaralanıb, 45 min nəfər Özbəkistanda qaçqın düşərgələrinə yerləşdirilib

Qırğızıstanın cənub əyalətlərində qırğızlarla özbəklər arasında baş verən qarşıdurmada ölənlərin sayı 191 nəfərə çatıb.

Lent.az-ın “Ria Novosti” agentliyinə istinadən verdiyi məlumata görə, Qırğızıstanın Səhiyyə Nazirliyi 1971 nəfərin yaralandığını, hazırda 957 nəfərin xəstəxanalara yerləşdirildiyini açıqlayıb.

Oş şəhərində və Calal-Abad vilayətində komendant saatı tətbiq olunub. Özbəkistanın Qırğızıstanla sərhəddə yerləşən Əndican rayonunda bu ölkəyə gələn qaçqınlar üçün 30 düşərgə salınıb. Son 3 gündə Qırğızıstandan Özbəkistana 45 min özbək gəlib. Qaçqınların 60 faizi qadındır.

Bu arada ABŞ Qırğızıstana humanitar yardım qismində 32 milyon dollar ayırıb.