May və iyun aylarında səyahətlərin populyarlığı artır, çünki bu, yay bahalaşmasından qaçmaq üçün yaxşı fürsətdir.
Lent.az xarici mediaya istinadla məlumat verir ki, may və iyun ayları artıq ödəniş etmədən günəşli istirahət üçün ən yaxşı dövrlərdən biridir.
May ayı üçün ən yaxşı variantlar
Kuba
Uzaq istiqamətlər arasında temperaturun 30°C-yə çatdığı yerə Kuba liderlik edir. Orada yağışlar mövsümü başlamazdan əvvəl kolonial memarlıqdan, retro avtomobillərdən və bəyaz çimərliklərdən həzz almaq olar. Eyni zamanda, etirazlar səbəbindən turistlərə aktual təhlükəsizlik tövsiyələrini diqqətə almaq məsləhət görülür.
Dominikan Respublikası
Burada daha da istidir (təxminən 31°C). İdeal çimərlik şəraiti və az sayda turist. Yaxın Şərqdəki vəziyyət gərginləşdikdən sonra bu istiqamətin populyarlığı daha da artıb.
Barbados
İstirahət üçün eyni temperaturu (31°C) təklif edir - isti dəniz, zəngin gecə həyatı və festivallar var, lakin yay izdihamı yoxdur. Kurort lüksü və vəhşi təbiət mənzərələrini birləşdirir, həmçinin su idman növləri üçün də idealdır.
Sinqapur
Meqapolis sevənlər üçün temperaturun 32°C-yə çatdığı Sinqapur uyğundur. Bu, qastronomiya və "yaşıl urbanizmə" vurğu edən dinamik şəhərdir, hətta onu Dubaya alternativ adlandırırlar.
Misir
Siyahıda təxminən 32°C temperaturlu Misir də var. Burada yandırıcı istilər başlamazdan əvvəl qədim abidələri ziyarət etmək və Qırmızı dənizdə istirahət etmək üçün ideal şərait təklif edir.
İyun ayı üçün istiqamətlər
İtaliya
Təxminən 28°C istiliklə tarixi şəhərləri, sahilləri və şərab evlərini turist axını başlamazdan əvvəl kəşf etməyə imkan verir. Amalfi və ya Roma kimi populyar yerlərdən başqa, Kamolyi kimi az tanınan yerlərə də diqqət yetirmək tövsiyə olunur.
Yunanıstan
İyun ayında təxminən 30°C temperatur, quru hava və daha az turist təklif edir. Bu, adalar arası səyahət, şəffaf dənizdə çimmək və bəyaz şəhərciklərdə yay basırığı olmadan gəzmək üçün ideal vaxtdır.
İspaniya
30 dərəcəlik istilik, uzun günəşli günlər və yayın ortasından daha sərfəli qiymətlərlə sevindirir. Kanar adaları isə (təxminən 26°C) mülayim iqlim və çimərlik istirahətini aktiv səyahətlərlə birləşdirmək üçün ideal şərait təklif edir.
Braziliya
Uzaq istiqamətlər arasında Braziliya qeyd olunur. Yayın ilk ayında burada konfortlu 25°C istilik olur - bu, şəhərlər, mədəniyyət və sahillə həddindən artıq rütubət olmadan tanış olmaq üçün gözəl vaxtdır.
Sevda Rumi
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
