ABŞ mediası iddia edir ki, İranla davam edən nüvə danışıqlarında razılığa gəlinməsə, Tehrana Vaşinqton deyil, İsrail hücum edəcək.
Lent.az bildirir ki, bu məlumatlara görə, təxminən iki ay əvvəl ABŞ prezidenti Donald Tramp və İsrailin baş naziri Benyamin Netanyahu arasında keçirilən gizli görüşdə ABŞ-ın Tel-Əvivin İranın ballistik raket infrastrukturuna qarşı potensial hücumlarında birbaşa iştirak etmədən yalnız hərbi və lojistik dəstək verəcəyi ssenariləri müzakirə olunub.
ABŞ və İran arasındakı gərginlik yeni bir hərbi və diplomatik prosesə təkan verərkən, pərdəarxası təmaslarla bağlı təəccüblü iddialar ortaya çıxıb.
“CBC News”a görə, Vaşinqtondakı planlaşdırma İrana hücum edib-etməməkdən daha çox ABŞ-ın İsraili necə dəstəkləyəcəyinə yönəlib. Təxminən iki ay əvvəl İsrailin baş naziri Binyamin Netanyahu ilə şəxsi görüşdə prezident Donald Tramp İranla razılaşma əldə edilməsə, ABŞ-ın Tehranın ballistik raket infrastrukturuna potensial İsrail hücumlarını dəstəkləyə biləcəyini, lakin öz hücumlarını başlatmayacağını bildirib.
Bu görüşdən sonra ABŞ hərbi və kəşfiyyat agentlikləri də potensial İsrail əməliyyatına necə töhfə vermək barədə planlar hazırlayıblar. Hava daşımaları, regional hava məkanından istifadə və lojistik dəstək kimi variantlar ətraflı müzakirə edilib.
İranın nüvə proqramları ilə bağlı tələblərinə cavab verməməsi halında mümkün hücuma hazırlıq məqsədilə Vaşinqton Yaxın Şərqdə görünməmiş şəkildə ABŞ hərbi qüvvələrini artırdığı üçün regionda artan gərginlik müşahidə olunur. Yanvarın 28-də ABŞ prezidenti Donald Tramp sosial mediada nəhəng bir "Armada"nın (ABŞ Hərbi Dəniz Qüvvələrinə məxsus böyük bir dəniz qüvvəsi) İrana doğru irəlilədiyini elan edib.
Tramp, bu “Armada”nın "USS Abraham Lincoln" təyyarədaşıyan gəmisi ölçüsündə və Venesuelaya göndəriləndən daha böyük bir donanma olduğunu qeyd edərək, "(Donanma) Venesuelada olduğu kimi, lazım gələrsə, öz missiyasını sürətlə və güclü şəkildə yerinə yetirməyə hazırdır, istəklidir və qadirdir" deyib. Mərkəzi Komandanlığı (CENTCOM) həmçinin yanvarın 26-da “USS Abraham Lincoln" təyyarədaşıyan gəmisinin zərbə qrupunun "regional təhlükəsizlik və sabitliyi dəstəkləmək" üçün Yaxın Şərqə yerləşdirildiyini açıqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
