Avstraliyada aparılan araşdırma göstərib ki, gecə yataq otağında temperaturun 24 dərəcədən yuxarı olması, xüsusilə 65 yaşdan yuxarı insanlarda ürəyə düşən yükü artırır. Nəticələr isti yay gecələrinin ürəyin bərpa olunma qabiliyyətinə mənfi təsir göstərə biləcəyini göstərir.
Lent.az xəbər verir ki, gecə yataq otağının temperaturu, xüsusilə 65 yaşdan yuxarı şəxslərdə ürək sağlamlığına mənfi təsir göstərə bilər. Avstraliyada aparılan yeni araşdırma 24 dərəcədən yuxarı gecə temperaturunun ürəyin bərpa qabiliyyətini nəzərəçarpacaq dərəcədə azaltdığını ortaya qoyub. Araşdırmanın baş müəllifi doktor Fergus O’Connor bildirib ki, yüksək temperatur ürək-damar sisteminə əlavə yük yaradır. Orqanizm istiyə məruz qaldıqda sərinləmək üçün qanı dərinin səthinə yönəldir. Bu proses zamanı ürək daha intensiv və daha uzun müddət işləməli olur. O’Connor-un sözlərinə görə, ürəyin bu şəkildə yüklənməsi əvvəlki günün istilik stresindən tam bərpa olunmasını çətinləşdirir.
24 dərəcə hədd kimi qəbul edilib
Araşdırmada orta yaşı 72 olan 47 nəfər bir yay mövsümü ərzində müşahidə olunub. İştirakçılar gündəlik həyatlarını davam etdirərkən, gecə saat 21:00–07:00 aralığında ürək döyüntüləri geyilə bilən cihazlarla izlənilib. Yataq otaqlarına yerləşdirilən sensorlar vasitəsilə 14 mindən çox saatlıq gecə məlumatı toplanıb.
Əldə edilən nəticələrə görə:
24-26 dərəcə aralığında ürəyin bərpasında klinik cəhətdən əhəmiyyətli azalma riski 40 faiz artıb.
26-28 dərəcə aralığında risk iki dəfə yüksəlib.
28 dərəcədən yuxarı temperaturda isə risk sərin otaqlarla müqayisədə təxminən üç dəfə artıb. Tədqiqatçılar bildirirlər ki, 65 yaşdan yuxarı şəxslər üçün gecə yataq otağının temperaturunun təxminən 24 dərəcə səviyyəsində saxlanılması ürəyə düşən stres reaksiyalarını azalda bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
