Dərmansız şəkildə qarın köpündən qurtulmağa kömək edən məhsullar var. Bunlar probiotiklər sayəsində bağırsaq balansını bərpa edən və həzmi yaxşılaşdıran kefir və yoqurtdur.
Lent.az xarici mətbuata istinadən xəbər verir ki, qarın köpü hər zaman dərman müalicəsi tələb etmir bəzi hallarda yoqurt və kefir kimi adi məhsullar kömək edə bilər. Onların effektivliyi faydalı bakteriyaların tərkibi ilə bağlıdır. Bu bakteriyalar bağırsaq mikroflorasının sağlam balansını qoruyur və həzmi normallaşdırır.
Niyə yoqurt və kefir narahatlığı azalda bilər
A2 tipli kazein üstünlük təşkil edən bəzi süd məhsulları A1 kazein tərkibli variantlarla müqayisədə daha asan həzm olunur. Bu fərq inəklərin genetik xüsusiyyətləri ilə bağlıdır. A1 kazein bağırsağın fəaliyyətini ləngidə və həzm sistemində həssaslığı artıra bilər ki, bu da bəzən köpün artması ilə müşayiət olunur. A2 kazeinli məhsullar isə adətən daha yaxşı qəbul edilir.
Qıcıqlanmış bağırsaq sindromu və ya həzm sistemində həssaslığı olan insanlar üçün keçi və ya qoyun südü daha rahat seçim ola bilər. Bu süd növləri daha kiçik yağ hissəcikləri, daha az laktoza və asan həzm olunan yağlar ehtiva edir, bu da həzmi asanlaşdırır. Yoqurt və kefir fermentləşdirilmiş süd məhsullarıdır və təbii olaraq probiotiklər ehtiva edir. Bu faydalı mikroorqanizmlər bağırsaq florasının balansını qorumağa, qıcıqlanmanı azaltmağa və daha rahat həzmə kömək edir.
Bundan əlavə, köpün səbəblərindən biri bağırsaqların ləng işləməsi ola bilər. Probiotiklər dolayı yolla bağırsaq hərəkətini tənzimləyə və qidanın həzm traktından keçməsini sürətləndirə bilər ki, bu da qaz yığılmasının qarşısını alır.
Daha az əlavə şəkər
Bəzi şirinləşdiricilər, xüsusilə fruktoza ilə zəngin olanlar (məsələn, bal, aqava siropu və ya qarğıdalı siropu) fruktozaya həssas insanlarda narahatlıq yarada bilər. Həddindən artıq şəkər qəbulu faydalı bakteriyaların balansını da poza bilər. Buna görə qatqısız, şəkərsiz, təbii yoqurt və kefir seçmək daha məqsədəuyğundur.
Yeməyi yaxşı çeynəyin. Yavaş yemək mədə-bağırsaq sisteminə düşən yükü azaldır. Xüsusilə zülallı qidalar və liflə zəngin tərəvəzlər üçün hər tikəni təxminən 15-30 dəfə çeynəməyə çalışın. Yüngül fiziki aktivliyi qoruyun.
Yeməkdən sonra qısa gəzinti həzmi yaxşılaşdırmağa və qanda şəkərin səviyyəsini sabit saxlamağa kömək edə bilər. Sakit nəfəs alma məşqləri edin.
Yeməkdən əvvəl və ya yemək zamanı bir neçə dərin nəfəs almaq yemə sürətini azaltmağa, rahatlamağa və həzm fermentlərinin ifrazını dəstəkləməyə kömək edir.
Qidalanma və gündəlik vərdişlərə kompleks yanaşma qarın köpünün tezliyini əhəmiyyətli dərəcədə azalda və ümumi sağlamlıq vəziyyətini yaxşılaşdıra bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
