Hande Erçelin narkotik testinin nəticələri

İstanbulda aparılan narkotik istintaqında adı hallanan məşhur aktrisa Hande Erçelin məhkəmə-tibbi rəyinin nəticələri açıqlanıb.

Lent.az Türkiyə KİV-nə istinadən xəbər verir ki, Məhkəmə Tibb İnstitutu tərəfindən həyata keçirilən analizlər zamanı onun narkotik maddə istifadə etdiyinə dair heç bir sübut aşkar edilməyib və test nəticəsi mənfi çıxıb.

Aktrisa ifadəsində irəli sürülən iddiaları qəti şəkildə rədd edib və həyatının heç bir dövründə narkotik və ya stimullaşdırıcı maddələrdən istifadə etmədiyini bildirib. O, həmçinin ictimaiyyətdə yayılan bu xəbərlərin onu üzdüyünü də qeyd edib.