ABŞ və İsrailin İrana qarşı müharibəsi davam etdikcə, region xaosa qərq olur və minlərlə dubaylı ultra-zəngin sərvətlərini qorumaq üçün şəhərdən qaçır.
Lent.az xarici mediaya istinadən məlumat verir ki, bu parıldayan Fars körfəzi şəhəri bir vaxtlar vergi güzəştləri, aşağı cinayətkarlıq səviyyəsi və çiçəklənən iş bazarı ilə varlı əcnəbiləri cəlb edirdi. Lakin son hadisələr tədricən bu "lüks adası"nın əvvəlki parıltısını sarsıdır.
Böyük Britaniyanın xarici işlər naziri İvet Kuper bu yaxınlarda münaqişənin başlanğıcından bəri Dubaydan 100.000 britaniyalının geri qayıtdığını açıqlayıb. Lakin, böyük vergi öhdəliklərindən yayınmaq istəyən varlı vətəndaşlar üçün Böyük Britaniya cəlbedici seçim deyil.
Maliyyə ili sürətlə yaxınlaşır: bir çox xarici vətəndaş vergilərdən yayınmaq üçün Böyük Britaniyada qala biləcəkləri günlərin sayını artıq tükəndirib. Dron və raketlərin daimi təhlükəsindən sığınacaq axtaran və eyni zamanda vergi orqanlarından yayınan Fransa və İrlandiya kimi ölkələr müvəqqəti sığınacaq kimi məşhur seçimə çevrilib.
Bu arada, Pasxa planlarını yenidən nəzərdən keçirmək məcburiyyətində qalan turistlər Dubay və onun göydələnlərinin mənzərələrini Mayorka və İbiza gecə klubları və çimərlik barları ilə dəyişdirirlər. "Böhran başlayandan 48 saatdan az müddət sonra Pasxa bayramı üçün Dubay və ya Əbu-Dabiyə sifariş etmiş və indi səfərlərini ləğv etmiş potensial müştərilərdən inanılmaz sayda sorğu aldım", - Mayorka daşınmaz əmlak agenti Marsel Remus bildirib.
"İndi hamı yenidən Mayorkaya getmək istəyir!"
Dubaydakı influencerlər eyni videoları paylaşaraq şəhərin təhlükəsiz olduğunu iddia edir və BƏƏ-yə raketlərin yağmasına baxmayaraq milyonlarla baxış sayı toplayır.
Dubayda daşınmaz əmlak imperiyası qurmaq üçün "Love Island" və "Geordie Shore" televiziya layihələrindən ayrılan 30 yaşlı keçmiş realiti-şou ulduzu Sem Qouland, hərbi əməliyyatların başlamasından sonra indi "satılmayan" bir villa ilə qarşılaşır.
Bir çox influencerlər "qorxmadıqlarını" və normal həyatlarına davam etdiklərini nümayiş etdirən videolar hazırlamağa davam edirlər. İnternetdə onların paylaşımlarının dövlət tərəfindən dəstəklənən təbliğat ola biləcəyi ilə bağlı fərziyyələr ortaya çıxıb. "Bu, Dubay üçün əsl kabusdur: onun mövcudluğu dəyişkən bir bölgədə təhlükəsiz sığınacaq kimi nüfuzundan asılı idi", - körfəz üzrə ekspert Çintsia Byanko X-də yazıb.
Dubayda penthauslara və villalara investisiya qoymağı planlaşdıran varlı müştərilər planlarını dəyişirlər. Şəhərdə daşınmaz əmlak satışları kəskin şəkildə aşağı düşüb: yerli media əməliyyatlarda 51 faiz azalma olduğunu bildirir və qiymətlərin 20 fauz azalacağını proqnozlaşdırır.
"Alış-verişə artan tələbatla yanaşı, lüks villa icarəsinə tələbatda da kəskin artım müşahidə olunub”, - Remus qeyd edib.
Mayorkada villa icarəsi həftədə 100.000 avroya çatır ki, bu da adi haldan 25 faiz çoxdur və çarter şirkətləri yaxta sifarişlərində artım olduğunu bildirirlər.
Türkiyəli iki uşaq anası Evrim bildirib ki, Palm Jumeirah adasındakı beşulduzlu Fairmont otelində baş verən yanğından sonra qonşu Oman üzərindən uçuş üçün 200.000 dollar ödəyərək Cenevrəyə uçmaq qərarına gəliblər.
Bu arada, Asiyanın bir çox varlı ailəsi, daha çox dağıntıdan qorxaraq Dubaydakı sərmayələrini yenidən nəzərdən keçirirlər. Məsləhətçilər hərəkəti təxirə salan və risklərini azaltmağın yollarını axtaran müştərilərdən zənglər alırlar.
Omanda özəl təyyarələrə tələbat artıb: SEO SHY Aviation şirkətinin baş direktoru Bernardus Forster bildirib ki, müharibənin ilk günlərində Maskat, Dubay və Ər-Riyaddan gündəlik 10-15 uçuş 98-ə çatıb. Qiymətlər kəskin şəkildə artıb: Maskatdan İstanbula 12 nəfərlik qrup, o cümlədən bir it üçün beş saatlıq uçuş 145.000 dollara başa gəlib - əvvəlkindən 142 faiz baha.
Ən populyar istiqamətlər İstanbul, Afina və Mumbay olub. Daha az imkanlı səyahətçilər üçün təhlükəsizliyə gedən yol çətin olaraq qalır: bir britaniyalı AFP agentliyinə bildirib ki, özü, hamilə həyat yoldaşı və üç yaşlı oğlu üçün Maskatdan kommersiya təyyarəsi tapmaq olduqca çətin olub.
Ultra varlılar arasında kapitalın köçürülməsi üçün artıq addımlar atılır: Cenevrə BƏƏ-dən "on milyardlarla" dollar gözləyir və yerli banklar son üç ildə Fars körfəzindən pul axınında 40 faiz artım qeydə alıblar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
