"Qalatasaray"ın ulduz hücumçusu Viktor Osimhenin Türkiyənin 1-ci Liqa komandası "İstanbulspor"u almaq istədiyi iddia edilir.
Lent.az bildirir ki, Afrika xəbər agentliyi “Afrik Foot”un məlumatına görə, dünyaca məşhur ulduzun əsas məqsədi sadəcə bir "klub"a sahib olmaqdan daha çox şeydir.
Bildirilib ki, Osimhenin əsas məqsədi Nigeriya ilə Türkiyə arasında nəhəng bir futbol körpüsü qurmaqdır. Bu nəhəng layihənin ilk addımı olaraq, Nigeriyada xüsusi bir futbol filialı və akademiyası açılacaq.
Bu, Nigeriyada perspektivli və istedadlı futbolçuların erkən yaşda kəşf edilməsinə və onlara ixtisaslaşmış təlim keçilməsinə imkan verəcək.
Twitch yayınçısı “Carterefe”nin proqramında iştirak etməklə layihəsinə işarə edən Osimhenin məqsədi qüsursuz işləyən bir sistem yaratmaqdır. Bu yeni ekosistemə əsasən, Nigeriyanın gənclər sistemində inkişaf edən gənc oyunçular peşəkar futbola keçəcək və ilk Avropa təcrübələrini İstanbulspor formasını geyinərək qazanacaqlar.
Təcrübə qazanan və bacarıqlarını Türkiyədə nümayiş etdirən bu istedadlar daha sonra “İstanbulspor” vasitəsilə Avropa klublarına transfer olunacaqlar.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
