“Barselona Atletik”in baş məşqçisi Rafael Markes Kataloniya klubunun əsas komandasının baş məşqçisi Xavini əvəz edə bilər.
Lent.az xarici mediaya istinadla bildirir ki, bu barədə jurnalist Adrian Sançes özünün X sosial şəbəkəsində (keçmiş Twitter) yazıb.
Mənbənin sözlərinə görə, “Barselona” Xavini qovmaq qərarına gəlsə, Markes təcili olaraq bu vəzifədə mütəxəssisi əvəz edə bilər.
Xatırladaq ki, “Barselona” bundan əvvəl İspaniya Superkubokunun finalında “Real Madrid”lə oyunda (1:4) darmadağın olub. Lakin matçdan sonra “Barselona”nın idman direktoru Deko klubun Xaviyə tam etibar etdiyini bildirib.
“Barselona” hazırda İspaniya çempionatının turnir cədvəlində 41 xalla üçüncü pillədə qərarlaşıb. Komanda lider “Jirona”dan 8 xal geri qalır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
