Markus Reşford “Mançester Yunayted”in heyətində Avropa kuboklarında vurduğu qolların sayına görə Kriştiano Ronaldonu geridə qoyub.
Lent.az xarici mediaya istinadla bildirir ki, martın 16-da 25 yaşlı hücumçu Avropa Liqasının 1/8 final mərhələsinin “Mançester Yunayted” – “Betis” (1:0) cavab oyununda qələbə qolunu vurub.
25 qolla Reşford Avropa yarışlarında “Mançester Yunayted”in heyətində ən çox qol vuran futbolçu Kriştiano Ronaldonu geridə qoyub. Portuqaliyalının hesabına 24 qol (onlardan 2-si Avropa Liqasında) var. Reşford hazırda klubun Avropa yarışlarında bombardirlər siyahısında 6-cı yerdədir.
Ondan irəlidə 26 qolu olan Pol Skoulz var. 1962-1973-cü illərdə bu klubda çıxış edən Denis Lou 28 qolla “Mançester Yunayted”in Avropadakı bombardiri arasında dördüncüdür. Siyahıda 29 qolla Rayan Qiqqz üçüncü, Ruud van Nistelroy 38 qolla ikinci, Ueyn Runi 39 qolla birincidir.
Reşford eyni zamanda böyük Avropa yarışlarında 25 qol vuran ən gənc ingilis olub. “Mançester Yunayted” üçün bu, həm də rekorddur.
İngilis futbolçu "Mançester Yunayted"in heyətində mövsümdə 43 oyunda 27 qol vurub, 7 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
