Kladuio Ranyeri İngiltərənin “Uotford” klubunun baş məşqçisi təyin olunub.
Lent.az bildirir ki, bu barədə rəsmi saytında məlumat verilib. 69 yaşlı italiyalı mütəxəssislə 2022/23-cü il mövsümünün sonuna qədər müqavilə imzalanıb.
Ranyeri “Uotford”da istefaya göndərilən Hisko Munyosu əvəz edib. O, komandada təxminən 10 ay işləyib.
Ranyeri əvvəllər İngiltərənin “Çelsi”, “Fulhem” və “Lester” klublarının baş məşqçisi olub. 2016-cı ildə “Lester”lə İngiltərə çempionluğunu qazanıb.
Onun sonuncu iş yeri İtaliyanın “Sampdoriya” klubu olub, ötən yay istefaya gedib.
“Uotford” hazırda turnir cədvəlində 14-cü sıradadır. 7 oyundan sonra 7 xal toplayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
