Kuman QAYITDI

Hollandiya Kral Futbol İttifaqının mətbuat xidməti Ronald Kumanın yenidən millinin baş məşqçisi olduğunu açıqlayıb.

Lent.az xarici mediaya istinadla bildirir ki, mənbənin sözlərinə görə, 59 yaşlı mütəxəssislə "narıncılar"ın əməkdaşlığı 2026-cı il dünya çempionatına qədər hesablanıb.

Xatırladaq ki, Kuman daha əvvəl, 2018-2020-ci illərdə Hollandiya millisini çalışdırıb. Onun rəhbərliyi altında komanda 11 qələbə qazanıb, beş dəfə heç-heçə edib və dörd dəfə məğlub olub.

2021-ci ilin oktyabrında Kuman "Barselona"nın baş məşqçisi vəzifəsindən istefa verib. O vaxtdan bəri işsizdir.