İtaliya klubundakı gələcəyindən DANIŞDI

"Napoli"nin nigeriyalı hücumçusu Viktor Osimhen Neapol klubundakı gələcəyi haqqında danışıb.

Lent.az-ın xarici mediaya istinadən məlumatına görə, ən yaxşı həlli birlikdə tapmaq üçün agentləri və komanda rəhbərliyi ilə görüşəcəyini deyib.

“Gələcəkdə məni nə gözlədiyini bilmirəm. Mövsümün sonunda nümayəndələrimlə görüşüb hər şeyi müzakirə edəcəyəm. Mən də klubla danışacağam. “Napoli”yə çox minnətdaram. Ən yaxşı həlli birlikdə tapacağıq”, – jurnalist Patrik Berqer “Twitter” hesabında Osimhendən sitat gətirib.

Berqerin sözlərinə görə, Osimhenin alınmasında İngiltərənin “Mançester Yunayted”, “Çelsi” və Fransanın PSJ kimi Avropa futbolunun nəhəngləri maraqlıdır.