Dünya çempionatındakı faciəvi oyunlar: İspaniyanın tarixi planı üzə çıxdı

Qətərdə keçirilən dünya çempionatında həyəcan davam edir. E qrupunda keçirilən son oyunlardan sonra böyük sürprizə imza atan Yaponiya Almaniyadan sonra İspaniyanı da məğlub edərək qrup lideri olub.

Almaniya isə 2018-ci ildən sonra ilk turda 2022-ci ilə vidalaşaraq məyus olub. Tarixə düşən İspaniyanın planı qrupu orta hesabla 2-ci pillədə tamamlayaraq növbəti mərhələyə yüksələrək gündəmə gəlib.

Lent.az bununla bağlı təfərrüatları təqdim edir.

Kosta Rikanı 4-2 məğlub etməsinə baxmayaraq qrupdan çıxa bilməyən Almaniyada baş məşqçi Hansi Flik oyundan sonra özlərini günahlandırdıqlarını deyib: "Çox məyus olduq. İspaniyanı qınamıram, heç vaxt başqa komandalara baxmırıq. Yalnız özümüzü qınamalıyıq. Xüsusilə də Yaponiya ilə oyunda qalib gəlmək üçün kifayət qədər şanslarımız oldu, lakin bundan yararlana bilmədik".

İspaniya yığmasının baş məşqçisi Luis Enrike qrupda birinci olmaq istədiklərini, lakin buna nail ola bilmədiklərini söyləyib: “Mən heç də xoşbəxt deyiləm, çünki oyun uduzduqdan sonra xoşbəxt ola bilməzsən. Bu oyunda birinci olmaq və qalib gəlmək istəyirdim. Yaponiya bizi keçdi və lider oldu. Fasilədə futbolçularıma dedim ki, diqqətli olsunlar və ikinci hissə başlayan kimi düşüş rejiminə keçdik”.

Almaniya ilə qarşılaşmada Kosta-Rikanın təxminən 3 dəqiqə ərzində hesabda önə keçməsi və bu hesabın İspaniyanın mübarizədən kənarda qalmasına səbəb olmasından da danışan Enrike təəccüblü etiraflar edib.

"3 dəqiqə ərzində mübarizədən kənarlaşdırılacağımızı bilmirdim. Bilsəydim, yəqin ki, infarkt keçirərdim", - Enrike deyib.

Tarixi plan ortaya çıxdı

İspaniyanın E qrupunda ikinci yeri tutması ilə onun turnirin qalan hissəsi üçün planı da məlum olub.

İspaniya Yaponiyaya 2:1 hesabı ilə uduzaraq Almaniyanı dünya çempionatından kənarlaşdırmaqla yanaşı, 1/8 finalda son finalçı Xorvatiya ilə oyundan da yayınıb İspaniya bu mərhələdə Mərakeşlə qarşılaşacaq.

İspanlar həmçinin turnirin ən böyük favoritlərindən biri olan Braziliya ilə növbəti mərhələdə oynamaqdan yayınaraq, turnirdə daha da irəliləmək imkanlarını artırıblar.

Baş məşqçi Luis Enrike İspaniyanın bunu oyunlardan əvvəl planlaşdırdığı ilə bağlı iddialara cavab verib.

İddianı ortaya atanları bunu sübut etməyə dəvət edən məşqçi deyib: "Son 10 dəqiqədə Yaponiyadan daha üstün oynadıq, bilərəkdən uduzduq deyənlər bunu izah etsinlər. Mən meydana ən yaxşı 11 oyunçumu çıxardım. Futbolçularıma maksimum güvənirəm. Növbəti oyuna qədər səhv etdiyim analizləri düzəltməyə çalışacağam.