Prokuror dələduz qadına 9 il cəza tələb etdi

Bu gün Bakı Ağır Cinayətlər Məhkəməsində dələduzluqda təqsirləndirilən İradə Haşımovanın cinayət işi üzrə məhkəmə prosesi keçirilib.

Lent.az-ın məlumatına görə, hakim Ramella Allahverdiyevanın sədrliyi ilə keçirilən prosesdə dövlət ittihamçısı çıxış edib. O, məhkəmədən İ.Haşımovanın 9 il müddətinə azadlıqdan məhrum edilməsini tələb edib.

Məhkəmə prosesi 25-də davam edəcək.

Qeyd edək ki, İ.Haşımova Gülsüm İsmayılova, Solmaz Haqverdiyeva və bir neçə şəxsin etimadını qazanaraq onlardan pul və qızıl, zinət əşyaları alaraq geri qaytarmayıb. O, G.İsmayılovadan 3 min manat dəyərində qızıl və 1000 manat dəyərində satılıq əşyalar, S.Haqverdiyevadan 19 min manat pul, digər şəxslərdən isə 6 min və 15 min manat pul alıb.