Lənkəranda avtobus partladı, 3 yaralı

Azərbaycanın Lənkəran şəhərində mikroavtobusda partlayış baş verib.

APA-nın yerli bürosunun xəbərinə görə, hadisə bu gün saat 11.00 radələrində Lənkəran şəhəri, Zərifə Əliyeva küçəsində qeydə alınıb.

Lənkəran şəhər sakini, 1970-ci il təvəllüdlü Rövşən Faiq oğlu Nəhmətova məxsus 42 DJ 379 nömrə nişanlı “QAZel” markalı mikroavtobusda baş verən partlayış nəticəsində maşında olan sərnişinlərdən Lənkəran şəhər sakinləri - 1970-ci il təvəllüdlü Rövşən Vaqif oğlu Kələntərov, 1979-cu il təvəllüdlü Elşən Ağakişi oğlu İslamov, 1962-ci il təvəllüdlü Rafəddin Balayar oğlu Ağayev müxtəlif bədən xəsarətləri ilə Lənkəran Mərkəzi Rayon Xəstəxanasına yerləşdiriliblər. İ

lkin ehtimala görə, partlayışa maşındakı qaz balonunda sızmanın baş verməsi səbəb olub. Faktla bağlı araşdırma aparılır.