Bakı Metropolitenində nasazlıq

Qatarların hərəkəti dayanıb

Bu gün səhər saat 09.50 radələrində metronun «Gənclik» stansiyasında tuneldə qatarın sıradan çıxması nəticəsində Bakı Metropolitenində qatarların hərəkəti 20 dəqiqəyə yaxın dayanıb.

Bu barədə «APA-ECONOMICS»ə Bakı Metropolitenindən məlumat verilib.

Qatarın hərəkəti saat 10:08-də bərpa olunub. Tuneldə qalmış qatar çıxarılandan sonra digər stansiyalarda hərəkət bərpa edilib.

Bakı Metropoliteninin baş mühəndisi Elbrus Muradov «APA-ECONOMICS»ə açıqlamasında «Gənclik» stansiyasında ikinci yolda qatarın xarab olması səbəbindən tuneldə dayandığını bildirib. E. Muradov 10-12 dəqiqə ərzində problemin aradan qaldırıldığını və hərəkətin bərpa edildiyini bildirib.