Hasan Can Kayanın narkotik testinin cavabı məlum oldu

İstanbulda məşhurların saxlanıldığı narkotik istintaqı çərçivəsində saxlanılan məşhur komediya ustası Hasan Can Kayanın narkotik testinin nəticələri məlum olub.

Lent.az xəbər verir ki, "Həyatımda heç vaxt siqaret belə çəkməmişəm" deyən Kayanın test nəticələri mənfi olub.

Belə ki, Məhkəmə Tibb İnstitutu tərəfindən aparılan ətraflı laboratoriya analizlərinin cavabında Kayanın qanında heç bir narkotik və ya stimullaşdırıcının olmadığı bildirilib.

Nəticələr açıqlandıqdan sonra Kaya sosial media hesabında yalan ittihamın qurbanı olduğunu bildirib.