Noutbuku söndürmək əvəzinə sadəcə qapağını bağlamaq əksər hallarda zərərli hesab olunmur. Müasir cihazların əksəriyyəti bu zaman avtomatik olaraq yuxu rejiminə keçir. Bu rejimdə sistem əsas fəaliyyətini dayandırır, açıq proqram və faylları yadda saxlayır və minimum enerji sərf edir. Buna görə də cihaz qapaq açılan kimi dərhal aktivləşir.
Lent.az xəbər verir ki, yuxu rejimi müntəzəm yenidənbaşlatmanı tam əvəz etmir.
Bu proses tam söndürmədən fərqlənir. Söndürmə zamanı bütün proseslər dayandırılır və operativ yaddaş tam təmizlənir.
Yuxu rejimi daha çox rahatlıq üçün nəzərdə tutulub, uzunmüddətli fasilələr üçün yox. Ekspertlər bildirirlər ki, enerji parametrlərini yoxlamaq vacibdir. Əgər ekranın sönməsi və ya yuxu rejimi heç vaxt olaraq təyin edilibsə, noutbuk qapaq bağlı olsa belə işləməyə davam edə bilər.
Gündəlik istifadə zamanı xüsusilə bir neçə saatlıq fasilə üçün qapağı bağlamaq adətən problem yaratmır. Müasir noutbuklar bu ssenari üçün optimallaşdırılıb və əksər hallarda sabit işləyir.
Problemlər cihaz həftələrlə tam söndürülmədikdə ortaya çıxır. Çünki sistem tam yenidən işə düşmür, proqramlar yaddaşda qalır, fon prosesləri işləməyə davam edir. Nəticədə xırda səhvlər toplanır, performans zəifləyir, proqramlar donur, batareya daha tez boşalır və cihaz qızmağa başlayır. Bu hal xüsusilə resurs tələb edən tətbiqlərdən istifadə zamanı və ya noutbuk bağlı çantada daşındıqda daha riskli olur.
Mütəxəssislər həftədə ən azı bir dəfə noutbuku yenidənbaşlatmağı tövsiyə edirlər. Uzun müddətli istifadə fasiləsi və ya səfər zamanı isə cihazın tam söndürülməsi məsləhət görülür. Hər gecə söndürmək vacib deyil, lakin vaxtaşırı yenidənbaşlatma sistemin stabil işləməsi üçün faydalı rəqəmsal vərdiş sayılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
