Tibb elmləri doktoru, cərrah və Beynəlxalq Xərçəngə Qarşı İttifaqın idarə heyətinin üzvü Mayra Kalefi bildirib ki, yaxın illərdə xərçəng xəstəliyi ölüm göstəricilərinə görə lider mövqeyə yüksələ bilər.
Lent.az xarici mediaya istinadla xəbər verir ki, hazırda xərçəng artıq dünyada əsas ölüm səbəblərindən biridir və proqnozlara əsasən, 2030-cu ilə qədər ürək-damar xəstəliklərini geridə qoyacaq.
Mütəxəssis vurğulayıb ki, bir çox ölkədə xərçənglə mübarizəyə hələ də kifayət qədər siyasi və maliyyə diqqəti ayrılmır. Bu isə uzunmüddətli perspektivdə problemin daha da dərinləşməsinə səbəb olur.
Mayra Kalefinin fikrincə, xüsusilə Latın Amerikası ölkələrində profilaktika, erkən diaqnostika və müalicə sahəsinə yatırımlar kifayət deyil. Halbuki daha yaxşı nəticələr əldə edən ölkələrdə xərçənglə mübarizə sistemi daha strukturlaşdırılmış olur, xüsusi proqramlar tətbiq edilir və müasir avadanlıqlarla təchiz olunmuş ixtisaslaşmış mərkəzlər fəaliyyət göstərir. Bu amillər ölüm hallarının əhəmiyyətli dərəcədə azalmasına kömək edir.
Ekspert həmçinin qeyd edib ki, yaxın onilliklərdə əsas problemlərdən biri diaqnostika və müalicəyə bərabər çıxışın təmin olunması olacaq. Onun sözlərinə görə, effektiv profilaktika strategiyalarının hazırlanması və tətbiqi bu mənfi proqnozlara ciddi təsir göstərə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
