Millimizin Avropa Super finalındakı rəqibləri müəyyənləşdi

Çimərlik futbolu üzrə Azərbaycan milli komandasının Avropa Super finalındakı rəqibləri və oyunlarının təqvimi bəlli olub.

APA-nın məlumatına görə, yığma Bolqarıstan, Rumıniya və Çexiya komandaları ilə birgə eyni qrupda mübarizə aparacaq.

Bu mərhələnin oyunları sentyabrın 5-dən 8-dək Portuqaliyanın Fiqueyra şəhərində keçiriləcək. Milli sentyabrın 5-dəki ilk qarşılaşmada Bolqarıstanla üz-üzə gələcək. Ertəsi gün Rumıniya ilə qarşılaşacaq komanda ayın 7-də Çexiyanı sınağa çəkəcək. Hər üç görüş Bakı vaxtı ilə saat 15:45-də başlayacaq.