"Meydan TV"-nin həbs edilən əməkdaşının evində axtarış aparılıb

Daxili İşlər Nazirliyi Baş Mütəşəkkil Cinayətlər Baş İdarəsi əməkdaşları jurnalist Şirin Abbasovun evində axtarış aparıb. Bu barədə Lent.az-a jurnalistin vəkili Elçin Sadıqov məlumat verib.

Vəkil bildirib ki, heç bir xəbər verilmədən Şirin Abbasovun yaşadığı mənzildə axtarış aparılıb. Axtarış zamanı bir stolüstü kompyuter, 2 fotoaparat və 1 noutbook götürülüb.

Elçin Sadıqov hüquqlarını müdafiə etdiyi Şirin Abbasovla görüşə bilmədiyini bildirib: “Müraciət etsəm də, hələ müraciətimə cavab ala bilməmişəm. Axtarış haqqında bizi məlumatlandırmayıblar”.