Daxili İşlər Nazirliyi Bakıda törədilmiş qətl hadisəsi ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, mayın 25-də Pirallahı rayonunun Dübəndi bağlar sahəsində Pirallahı qəsəbə sakini Aleksandr Qraçyovun üzərində kəsilmiş-deşilmiş xəsarətləri olan meyiti tapılıb.
Bakı şəhər Baş Polis İdarəsi, rayon Prokurorluğu və RPŞ əməkdaşlarının həyata keçirdikləri əməliyyat-axtarış və istintaq tədbirləri ilə hadisəni münaqişə zəminində törətmiş Bakı şəhər sakini Ruslan Şevçun tutulub.
*****
10:17
Bakıda qətl törədilib. Lent.az-ın məlumatına görə, hadisə Pirallahı rayonu Dübəndi qəsəbəsində baş verib. Həmin qəsəbənin Şimal küçəsində 1982-ci il təvəllüdlü Qraçov Aleksandr Nikolayeviçin üzərində zorakılıq əlamətləri olan meyiti tapılıb. Aparılan operativ əməliyyat-axtarış tədbirləri nəticəsində qətlin 1974-cü il təvəllüdlü Şevçov Ruslan Valeriyeviç tərəfindən törədilməsi müəyyən edilib və o, tutularaq istintaqa təhvil verilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
