Küləyin vurduğu ziyan aradan qaldırıldı

Ötən gündən əsən güclü küləyin bir sıra ərazilərdə elektrik enerjisinin verilişində yaratdığı problem aradan qaldırılıb.

“Azərişıq” Açıq Səhmdar Cəmiyyətindən Lent.az-a verilən məlumata görə, dünən gecə güclü külək Suraxanı rayonu, Hövsan qəsəbəsinin, Abşeron rayonu, Saray qəsəbəsinin bir hissəsində və bir sıra dağlıq və dağətəyi yerlərdə elektrik enerjisinin verilişində qısamüddətli fasilə yaradıb.

Qabaqlayıcı tədbirlər nəticəsində baş verən qəzalar operativ şəkildə aradan qaldırılıb.