"İnter Mayami"nin hücumçusu Lionel Messi Səudiyyə Ərəbistanı çempionatı klublarından birinə keçə bilər.
Lent.az bildirir ki, bu barədə “Marca” xəbər verir.
Keçən həftə “İnter Mayami” MLS-in pley-off mərhələsinə çıxmaq şanslarını itirib. Messinin komandası mövsümün son oyununu oktyabrın 22-də keçirəcək, bundan sonra fevralın sonuna kimi uzunmüddətli məzuniyyətə yollanacaq.
Mənbənin sözlərinə görə, səudiyyəlilər bu fasilədən istifadə edərək argentinalını bir neçə ay icarəyə götürə bilərlər. Əvvəllər MLS-də Amerika klublarının qış üçün Avropaya oyunçu buraxması təcrübəsi var idi. Bu, Devid Bekhem (“Milan”, 2009−2010), Terri Anri (“Arsenal”, 2012) və Robbi Kin (“Aston Villa”, 2012) ilə baş verib.
Messi keçən yay “İnter Mayami”nin oyunçusu olub. O, Amerika klubunda 13 oyun keçirib, 11 qol vurub və 5 məhsuldar ötürmə verib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
