“Formula 1” uğursuzluq ərəfəsində: 2026-cı il təqvimindən iki Qran-pri çıxarıla bilər

“Formula-1”in rəhbərliyi gələn mövsümün cədvəlində köklü dəyişikliklər etməyi nəzərdən keçirir. Gərgin geosiyasi vəziyyət və Yaxın Şərqdəki müharibəyə görə yarışların sayı 22-yə endirilə bilər.

Ərəbistan turlarına təhlükə

Lent.az bildirir ki, “The Telegraph”ın məlumatına görə, Bəhreyn və Səudiyyə Ərəbistanı qran-prilərinin keçirilməsi şübhə altındadır.

Təşkilatçıların narahatlığı İranın bu ölkələrə son hücumlarından qaynaqlanır.

Sahir və Ciddə yarışları aprelin ortalarına (müvafiq olaraq ayıb 10-12-si və 17-19-u) planlaşdırıldığı üçün təhlükəsizlik liqa üçün əsas prioritetə çevrilib.

Qərar üçün son tarix

Rəhbərlik Yaxın Şərq mərhələlərinin taleyini yaxın bir ay ərzində müəyyənləşdirməyi planlaşdırır.

Son qərar martın 29-da keçiriləcək Yaponiya Qran-prisinin sonuna qədər verilməlidir.

Əgər hərbi risklər bu mərhələdə yüksək olaraq qalarsa, bu ölkələrdə yarışlar rəsmi olaraq ləğv ediləcək.

Mümkün alternativlər və mövsümün başlanması
Bəhreyn və Səudiyyə Ərəbistanı “Formula -1”dən imtina etmək məcburiyyətində qalarsa, bir neçə ehtiyat variant mövcuddur.

* İstanbul (Türkiyə);

* Portimao (Portuqaliya);

* İmola (İtaliya).

Qeyd etmək lazımdır ki, 2026-cı il çempionatı planlaşdırıldığı kimi Avstraliyanın Melburn şəhərində başlayacaq.

Seçmə yarışlar martın 7-də, əsas yarış isə martın 8-də keçiriləcək.