Zibilyığanlar aksiya keçirdi, şəhərin küçələrində 9000 ton zibil qalaqlandı

Parisdə pensiya islahatına qarşı keçirilən aksiyada polis gözyaşardıcı qazdan istifadə edib.

Lent.az-ın xəbərinə görə, etiraz yürüşünün son nöqtəsi olan Millət Meydanı (Place de Nation – müəl.) yaxınlığında polislə genişmiqyaslı toqquşmalar baş verib.

Aksiyaçılar polisə daş və butulka atıblar. Buna cavab olaraq asayiş keşikçiləri gözyaşardıcı qazdan istifadə edib. Həbs edilənlərin sayı məlum deyil.

Kommunal təsərrüfat işçilərinin tətili isə vəziyyəti daha da ağırlaşdırıb. Təkcə bu gün Parisdə 5 000 tondan çox tullantı daşınmayıb. Ötən gün isə 3 700 ton zibil qalaqlanmışdı.